SAAZ nazvała mahčymyja terminy ŭchvaleńnia «Sputnika V»
Rasijskuju vakcynu «Cputnik V» mohuć uchvalić užo na pačatku 2022 hoda, paśla pravierki danych ab preparacie. Mahčymyja terminy ŭchvaleńnia nazvaŭ dyrektar Jeŭrapiejskaha rehijanalnaha biuro Suśvietnaj arhanizacyi achovy zdaroŭja Chans Kluhie ŭ intervju TASS.
Pa jaho słovach, pradstaŭniki SAAZ i Rasijskaha fondu pramych inviestycyj (RFPI) sustrelisia ŭ kancy listapada, kab abmierkavać pytańnie «Sputnika V». Arhanizacyja zapytała dadatkovyja źviestki ab jakaści, biaśpiecy i efiektyŭnaści vakcyny. Padaču hetych źviestak čakajuć da kanca śniežnia, nieŭzabavie paśla hetaha praces pravierki budzie zavieršany.
«Heta, biezumoŭna, nie palityka. SAAZ — arhanizacyja, zasnavanaja na navukovych dokazach. Praces zaćviardžeńnia vakcyny adnolkavy dla ŭsich vytvorcaŭ, jakija pavinny adpaviadać tym ža kryteryjam, što i ŭsie astatnija», — padkreśliŭ Kluhie, adkazvajučy na pytańnie ab tym, ci palityzavany praces adabreńnia preparataŭ ad COVID-19.