Stała viadoma, čamu ŭ Viciebsku źniali hierb vobłaści z «Pahoniaj»
Na budynku pa vulicy Hohala, niepadalok ad abłvykankama, znachodzicca vialiki śvietłavy nadpis «Kvitniej, rodnaja Viciebščyna!». Pobač z nadpisam — vialiki hierb vobłaści z vyjavaj «Pahoni». Ale 4 studzienia hierb raptoŭna prybrali.
Fotazdymki Paŭła Maksimava
«Naša Niva» źviarnułasia ŭ Viciebski harvykankam.
U adździele architektury i horadabudaŭnictva supakoili: nijakaj palityki ŭ hetym niama, chutka hierb vierniecca.
«Jaho zabrali na ramont: hierb ci to pahnuli, ci to niešta takoje ź im zdaryłasia. Niedzie z tydzień buduć jaho adnaŭlać», — rastłumačyli čynoŭniki.
Hierb Viciebskaj Vobłaści byŭ zaćvierdžany ŭkazam Łukašenki ŭ 2009 hodzie.