Murmansk, Varoniež, Pskoŭ… Hiendyrektar minskaha aeraporta raspavioŭ, jakija novyja rejsy płanujuć adkryć
Sioleta Nacyjanalny aeraport raźličvaje pryciahnuć novyja rejsy.
Pra heta paviedamiŭ hiendyrektar aeraporta Viačasłaŭ Charanieka ŭ intervju časopisu «Ekanomika Biełarusi», piša reform.by.
«Ciapier abmiarkoŭvajucca ŭmovy novych rejsaŭ u Minsk z rasijskimi pieravozčykami: z Ufy, Pskova, Murmanska, Sočy, Samary, Sankt-Pieciarburha i inšych haradoŭ», — skazaŭ Charanieka.
Taksama ŭ aeraporcie raźličvajuć na źniaćcie abmiežavańniaŭ ES, što dazvolić zachodnim avijakampanijam viarnucca ŭ Minsk.
Paloty ŭ Biełaruś nie rekamiendujucca jeŭrapiejskim kampanijam paśla hvałtoŭnaj pasadki 23 maja rejsa Ryanair Afiny — Vilnia, u vyniku jakoj byli zatrymanyja Raman Pratasievič i Safija Sapieha.
Taksama aeraport viadzie pieramovy z avijakampanijami z Vjetnama, Tunisa, Tajłanda, Irana, Maroka, Katara, Małdovy, Kienii, Efiopii, Vieniesueły.