Kalučym drotam abciahnuć płot vakoł Śledčaha kamiteta ŭ centry Minska
Centralny aparat Śledčaha kamiteta abvieściŭ pra zakupku aharodžy biaśpieki — śpiralny barjer, tak nazyvajuć kalučy drot, jaki nie dazvalaje pieraskočyć cieraz płot. Havorka idzie pra budynak pa vulicy Frunze, u centry Minska, praz darohu — park Horkaha.
Budynak centralnaha aparata SK. Fota: Siarhieja Płytkieviča, «Płanieta Biełaruś»
Na zakupku barjera ź biudžeta hatovyja vydzielić 7 tysiač rubloŭ. Uvachod u Śledčy kamitet i tak byŭ abmiežavanym. Treba było padyjści da mietaličnaha płotu, pazvanić pa damafonie dziažurnamu i nazvać metu vizita. Dalej na ŭvachodzie čakaje pravierka dakumientaŭ i dadatkovy ahlad rečaŭ. Naprykład, pranosić mabilnyja telefony naviednikam zabaroniena, ich pakidajuć na ŭvachodzie.
Ciapier achovu budynku vyrašyli jašče ŭzmacnić. Paśla vybaraŭ-2020 siłaviki zajaŭlali, što było niekalki sprobaŭ napadzieńnia na administratyŭnyja budynki, praŭda, pra budynki Śledčaha kamiteta tady havorka nie išła.