Tenisista Džokaviča znoŭ zatrymali ŭ Mielburnie
Pieršaja rakietka śvietu Novak Džokavič znoŭ zatrymany pamiežnaj słužbaj.
Učora ministr imihracyi Aleks Chou znoŭ anulavaŭ vizu sierba (pieršy raz jana była anulavanaja 5 studzienia paśla taho, jak Novak prylacieŭ u Mielburn). Na papiarednim słuchańni pa apielacyi Džokaviča sudździa pastanaviŭ, što z ranicy suboty jon pavinien prybyć na intervju ŭ ministerstva imihracyi, a potym jaho pavinny dastavić u ofis jaho jurystaŭ dla padrychtoŭki da niadzielnaha razhladu spravy.
Paśla ofisa jurystaŭ Džokaviča dastavili ŭ hatel, dzie jon budzie znachodzicca pad kantrolem pamiežnikaŭ.
Słuchańnie pa spravie projdzie ŭ niadzielu ŭ 09:30 pa Mielburnie (13:30 pa Minsku).
Na jaho čas tenisista pavinny znoŭ dastavić u ofis jurystaŭ.
Mahčyma, sierb, jaki dzieviać razoŭ pieramahaŭ na Adkrytym čempijanacie Aŭstralii, budzie departavany.