U Irak viarnulisia 4000 biežancaŭ, jakija sprabavali patrapić u Jeŭrasajuz praź biełaruskuju miažu
Siońnia padčas sustrečy ź ministram zamiežnych spraŭ Litvy Habryjelusam Łandśbierhisam ličbu viernutych ź biełaruskaj miažy ŭ Irak jaje hramadzian nazvaŭ jahony irakski kaleha Fuad Chusejn. Pra heta paviedamlaje Infarmacyjnaje ahienctva Iraka
Pavodle kiraŭnika MZS Iraku, pry dapamozie krain Jeŭrasajuza atrymałasia viarnuć na radzimu kala 4 tysiač irakcaŭ. Ale niekatoryja hramadzianie Iraka jašče znachodziacca ŭ Litvie i ŭłady čakajuć ich dobraachvotnaha rašeńnia ab viartańni na radzimu.
Łandśbierhis u svaju čarhu padkreśliŭ, što Litva i Irak praciahnuć supracoŭničać u mihracyjnych pytańniach. Jon nahadaŭ, što Irak staŭ pieršaj dziaržavaj, jakaja skasavała avijarejsy ŭ Biełaruś, što vykarystoŭvalisia dla arhanizacyi nierehularnaj mihracyi. Heta stała važnym faktaram pry supraćstajańni hetaj mihracyi.