Hramadskaje abjadnańnie «Źviano» kančatkova likvidavali
Staršynia rady hramadskaha abjadnańnia Taćciana Hacura-Javorskaja ŭviesnu praviała za kratami 10 dzion i vyjšła ź SIZA jak padazravanaja pa kryminalnaj spravie.
Taćciana Hacura-Javorskaja pa vyzvaleńni ź SIZA
Pra rašeńnie Viarchoŭnaha suda paviedamiła ŭ Fejsbuku zasnavalnica i dyrektarka «Źviana» Taćciana Hacura-Javorskaja.
Kamanda arhanizacyi «Źviano» abskardžvała ŭ Viarchoŭnym sudzie rašeńnie ab likvidacyi arhanizacyi i padčas razhladu skarhi praciahvała pracavać. Adnak dziejnaść hramadskaha abjadnańnia ŭsio ž skončyłasia siońnia, 17 studzienia.
«Viarchoŭny sud pryjšoŭ da vysnovy, što my zajmalisia dyskredytujučaj i ekstremisckaj dziejnaściu, i pakinuŭ skarhu biez zadavalnieńnia. «Źviano» likvidavali», — napisała Taćciana.
U 2020 hodzie «Źviano» praviało manitorynh pracy sistemy achovy zdaroŭja va ŭmovach pandemii karanavirusa. 30 sakavika arhanizacyja adkryła vystavu «Mašyna dychaje, a ja — nie», ale ŭžo praz dva dni jaje zakryli nibyta z pryčyny sanitarnych parušeńniaŭ. Arhanizatary vystavy miarkujuć, što čynoŭnikam nie spadabalisia pakazanyja na vystavie fotadakumienty pra toje, z čym miedyki sutyknulisia ŭ žniŭni minułaha hoda, — hvałtam siłavikoŭ suprać pratestoŭcaŭ.
Arhanizataraŭ vystavy na niekalki dzion zatrymali, u tym liku i Taćcianu Hacuru-Javorskuju. Jaje muža ź dziećmi vysłali va Ukrainu.