Polšča zrobić bolš strohimi ŭmovy atrymańnia vizy PBH dla biełaruskich ajcišnikaŭ
Polšča zrobić bolš žorstkimi ŭmovy vizy Poland Business Harbour dla IT-śpiecyjalistaŭ z Biełarusi. Z 1 lutaha pretendentu na vizu z Biełarusi spatrebicca rekamiendacyja ad adnoj z kampanij-partnioraŭ prahramy (ich 300+, śpis papaŭniajecca).
Raniej hetaje praviła raspaŭsiudžvałasia na inšyja krainy-ŭdzielnicy PBH, a biełarusam było dastatkova dypłoma pa IT-śpiecyjalnaści abo vopytu ŭ IT bolš za adzin hod, piša Dev.by.
Dla Biełarusi prahrama dziejničaje pa raniejšych praviłach da 31 studzienia 2022 hoda. Z 1 lutaha 2022-ha praviły prahramy dla ŭsich udzielnikaŭ PBH (Biełaruś, Armienija, Hruzija, Małdova, Rasija, Ukraina, Azierbajdžan) buduć adnolkavymi.
Raniej polskija čynoŭniki paviedamlali pra 18,3 tysiačy vydadzienych viz z pamietkaj PBH. Bolšaść viz atrymali biełarusy — hramadzianam inšych krain jany dastupnyja tolki ź lipienia 2021 hoda. Pavodle źviestak polskaha pamiežnaha kamiteta, pa vizie PBH zajechali 7,6 tysiačy biełarusaŭ.