Stralanina na hranicy: parušalniki sprabavali źbiehčy i najechali na vajskoŭca, siłaviki adkryli ahoń
Siońnia nočču ŭ pamiežnaj pałasie kala miažy z Ukrainaj pamiežny narad zaŭvažyŭ aŭtamabil «Aŭdzi», jaki jechaŭ u napramku miažy pa-za aŭtamabilnymi darohami, paviedamlaje Pamiežny kamitet.
Fota DPK
Pamiežniki padali znak spynicca, adnak kiroŭca nie vykanaŭ patrabavańnie. Akramia taho, pry sprobie schavacca jon ździejśniŭ najezd na pamiežnika.
U adkaz pamiežny narad zrabiŭ papieradžalnyja streły ŭ pavietra i pa kołach aŭtamabila. Złamyśniki sprabavali źjechać, ale byli zatrymanyja. Heta byli dvoje hramadzian Biełarusi.
Vajskoŭcu akazanaja miedycynskaja dapamoha ŭ Pinskaj centralnaj rajonnaj balnicy.