Za hod u Hiermaniju ź Biełarusi dabrałasia kala 11 z pałovaj tysiač mihrantaŭ
Pa stanie na 16 studzienia 2022 hoda Fiederalnaja palicyja Hiermanii zarehistravała ŭ ahulnym liku 11 449 niesankcyjanavanych ujezdaŭ z terytoryi Biełarusi. 221 ź ich — za pieršyja dva tydni novaha hoda, astatnija 11 228 — za 2021-y.
Hetaja kolkaść pa časie raźmiarkoŭvałasia nieraŭnamierna. Sa studzienia pa lipień 2021 hoda fiederalnaja palicyja vyjaviła ŭsiaho 26 mihrantaŭ, u žniŭni — 474. Zatym ličba pačała raści, pik pryjšoŭsia na kastryčnik — 5294 mihrantaŭ. Paśla hetaha kolkaść nielehałaŭ pačała źmianšacca.
Niamiecka-polskaja miaža — unutranaja miaža Šenhienskaj zony, jakuju možna pierasiekčy ŭ luby čas i ŭ lubym miescy biez kantrolu i afarmleńnia. Ale fiederalnaja palicyja Hiermanii, viedajučy najaŭnyja prablemy, pravodzić uzmocnienyja pošukavyja mierapryjemstvy ŭ pamiežnaj zonie i ŭzajemadziejničaje z polskaj pamiežnaj słužbaj.