Pad Kareličami Audi biaskonca jeździła pa kole na kruhavoj raźviazcy. Skončyłasia ŭsio śmierciu
Pres-słužba DAI UUS Hrodzienskaha abłvykankama paviedamlaje, što ŭčora kala 23.00 na ŭskrainie Kareličaŭ supracoŭniki DPS zaŭvažyli padazrony kruhavy bieśpierapynny ruch Audi na kalcavoj raźviazcy. Vyrašyli mašynu spynić, ale kiroŭca nie padparadkavaŭsia. Usio heta ŭrešcie skončyłasia trahiedyjaj.
Vyrašyŭšy spynić aŭto, daišniki ŭklučyli probliskavyja majački, ale kiroŭca praihnaravaŭ patrabavańnie ab spynieńni i pavialičyŭ chutkaść.
Praktyčna adrazu na darozie «Kareličy — Valeŭka — Navajelnia» jon sutyknuŭsia z sustrečnym aŭtobusam, jaki naležyć sielhaspradpryjemstvu.
U vyniku kiroŭca, 21-hadovy hrodzieniec, pamior u reanimacyi miascovaj balnicy. Jon nie byŭ pryšpileny ramianiom biaśpieki, paśla ŭdaru jaho znajšli prykładna za 30 mietraŭ ad aŭto. U jakim stanie znachodziŭsia kiroŭca budzie ŭstanoŭlena padčas praviadzieńnia pravierki.
U aŭtobusie nichto nie paciarpieŭ.