U Minsku paviesiŭsia milicyjant
Heta zdaryłasia ŭ lesaparku kala vulicy Hurćjeva.
Heta zdaryłasia ŭ lesaparku kala vulicy Hurćjeva.
Rachunki z žyćciom źvioŭ siaržant patrulna-pastavoj słužby.
U biahučym hodzie heta ŭžo druhoje samahubstva supracoŭnika milicyi ŭ Miensku i čaćviortaje ŭ Biełarusi. U HUUS Mienharvykankama ničoha nie kažuć z nahody taho, što zdaryłasia, i nie chočuć kamientavać pryčyny sychodu z žyćcia supracoŭnika milicyi. U HUUS Mienharvykankama «Ježiednievniku» tolki skazali, što nie bačać u tym, što adbyłosia niejkaj tendencyi da rostu kolkaści samahubstvaŭ milicyjantaŭ.
Miž tym, jak atrymałasia daviedacca, trahiedyja adbyłasia kala tydnia tamu. U lasnym masivie kala vuł.Hurcjeva paviesiŭsia siaržant patrulna-pastavoj słužby, jaki adsłužyŭ u orhanach unutranych spravaŭ užo dva hady.
U ciapierašni čas prakuratura pravodzić pravierku pa vyjaŭleńni pryčynaŭ, jakija prymusili milicyjanta źvieści rachunki z žyćciom.
Nahadajem, što ŭ siaredzinie krasavika 2009 hoda ŭ Miensku zastreliŭsia ŭčastkovy milicyjant. Cieła milicyjanta było znojdziena kala dziciačaha sadka. A ŭ kancy červienia ŭ Rečycy skončyŭ žyćcio samahubstvam supracoŭnik AMAPa.