U Kitai navučylisia vyznačać rak lohkich praz analiz kryvi
Navukoŭcy ź Piekinskaha univiersiteta raspracavali novy mietad dyjahnostyki ankałohii da źjaŭleńnia ŭ pacyjenta pieršych simptomaŭ.
Fota: fotoquique / depositphotos.com
Kitajskija navukoŭcy vynajšli analiz kryvi, z dapamohaj jakoha možna vyjaŭlać rak lohkich. Jany pravieryli analiz kryvi ŭ 1036 čałaviek, starejšych za 40 hadoŭ, u jakich nie było simptomaŭ raku, a zatym paraŭnali ich z vynikami chvorych ludziej. Vyjaŭlenyja zakanamiernaści dazvolili istotna spraścić dyjahnostyku zachvorvańnia.
U chodzie daśledavańnia test pakazaŭ bolš čym 90% dakładnaść vyznačeńnia niekatorych vidaŭ raku.
Pavodle słoŭ navukoŭcaŭ, novy mietad dazvalaje rabić tannyja ekspres-testy. Akramia taho, analizy nie traŭmujuć pacyjentaŭ.