U čarzie na miažy pad Hrodnam pamior 37-hadovy dalnabojnik
Śmierć 37-hadovaha mužčyny zdaryłasia ŭviečary 2 lutaha. Hrodzienskim mižrajonnym adździełam Śledčaha kamiteta pravodzicca pravierka pa hetym fakcie. Papiarednie ŭstanoŭlena, što śmierć kiroŭcy kryminalnaha charaktaru nie nosić, piša newgrodno.by.
Śledčymi byŭ praviedzieny ahlad miesca zdareńnia, pryznačanaja sudova-miedycynskaja ekśpiertyza, apytanyja vidavočcy. Usie abstaviny zdareńnia vyśviatlajucca.
Miž tym čerhi na biełaruskaj miažy na vyjezd z krainy amal nablizilisia da śniežańskich značeńniaŭ. Pavodle źviestak Dziaržpamiežkamiteta, 3 lutaha vyjezdu ź Biełarusi čakała 4110 hruzavikoŭ. Najbolšaja kolkaść furaŭ fiksujecca na šlachu praz pamiežny pierachod «Kazłovičy».