Rasija paskardziłasia va UEFA na ŭkrainskija kryčałki
Rasijski futbolny sajuz nakiravaŭ skarhu va UEFA z-za kryčałki ŭkrainskich zaŭziataraŭ padčas minifutbolnaha matča.
Fota: UEFA
Rasijanie abyhrali ŭkraincaŭ ź likam 3:2 u piatnicu.
Ukrainskija zaŭziatary nieadnarazova skandavali abraźlivyja kryčałki ŭ adras sapiernikaŭ, zajavili ŭ RFS. Ciapier Rasija patrabuje ad Sajuza jeŭrapiejskich futbolnych asacyjacyj adkryć dyscyplinarnaje rasśledavańnie praz pavodziny fanaŭ,
«Ukrainskija zaŭziatary pramaŭlali vykazvańni, jakija mieli palityčny charaktar, raspalvali nianaviść pa nacyjanalnaj prykmiecie i ŭtrymlivali zakliki da zabojstva rasijskich hramadzian», — havorycca ŭ paviedamleńni rasijskaha futbolnaha sajuza.
U 2014 hodzie ŭkrainskija futbolnyja fanaty ŭ Charkavie prydumali kryčałku z abrazami na adras rasijskaha prezidenta, jakuju ŭžo na praciahu vaśmi hadoŭ vykonvajuć tysiačy zaŭziataraŭ padčas amal kožnaha futbolnaha matču i inšych spartyŭnych spabornictvaŭ, piša Bi-bi-si — Ukraina.