Fiłosaf Uładzimir Mackievič čaćviorty dzień trymaje haładoŭku ŭ SIZA
Kali ŭłady nie vykanajuć jaho patrabavańni, Mackievič z 14 lutaha raspačnie suchuju haładoŭku.
Fota: Deutsche Welle
Fiłosaf, jaki ŭtrymlivajecca za kratami z 4 žniŭnia, patrabuje źmianić mieru ŭtrymańnia na padpisku ab niavyjeździe, zaviaršyć śledčyja dziejańni i pryznačyć datu suda.
Jaho abvinavačvajuć u arhanizacyi dziejańniaŭ, jakija hruba parušajuć hramadski paradak (art. 342).
Va Uładzimira Mackieviča ŭžo jość vopyt praciahłaj haładoŭki.
U 2006-m jon 23 dni haładaŭ razam z prychadžanami carkvy «Novaje žyćcio», pratestujučy suprać jaje prymusovaha vysialeńnia. Tady ŭłady admianili svajo rašeńnie.