Łukašenka padpisaŭ ukaz ab farmavańni rejestra adrasoŭ virtualnych kašalkoŭ, jakija «vykarystoŭvalisia ŭ supraćpraŭnaj dziejnaści»
Alaksandr Łukašenka padpisaŭ ukaz №48 «Ab rejestry adrasoŭ (identyfikataraŭ) virtualnych kašalkoŭ i asablivaściach abarotu kryptavaluty», paviedamlaje BiełTA.
Ukaz praduhledžvaje farmiravańnie Parkam vysokich technałohij rejestra adrasoŭ virtualnych kašalkoŭ, jakija «vykarystoŭvalisia ŭ supraćpraŭnaj dziejnaści», i ŭstanaŭleńnie paradku jaho funkcyjanavańnia.
Paviedamlajecca, što novy dakumient zaklikany vyklučyć vypadki cieniavoha finansavańnia zabaronienaj u Biełarusi dziejnaści i abaranić udzielnikaŭ rynku ličbavych aktyvaŭ ad straty majomaści. Adkazvać za heta budzie Park vysokich technałohij.
Zhadki ŭ tekście zakona pra supraćpraŭnuju dziejnaść stvarajuć padazreńni, što jon moža akazacca adnym z mnostva inšych represiŭnych, pryniatych za apošni hod. Bo ŭ Biełarusi jak supraćpraŭnuju razhladajuć apošnim časam i finansavuju dapamohu represavanym.