Ambasada ZŠA va Ukrainie pierajazdžaje z Kijeva ŭ Lvoŭ
ZŠA vyrašyli časova pieravieści svajo pasolstva ŭ Ukrainie z Kijeva ŭ Lvoŭ z-za bojazi vajennaj eskałacyi z boku Rasiei. Pra heta havorycca ŭ zajavie dziaržsakratara ZŠA Entani Blinkiena.
Fota: PromesaStudio / depositphotos.com
Blinkien adznačyŭ, što ZŠA praciahvajuć pracavać nad deeskałacyjaj situacyi.
«My spadziajemsia viarnuć našych supracoŭnikaŭ u ambasadu, jak tolki dazvolać umovy», — zajaviŭ dziaržsakratar ZŠA. Jon taksama zaklikaŭ amierykancaŭ, jakija znachodziacca ŭ Ukrainie, viarnucca ŭ ZŠA.
Akramia taho, vydańnie The Wall Street Journal piša sa spasyłkaj na čynoŭnikaŭ, što Dziarždepartament ZŠA zahadaŭ źniščyć u kijeŭskaj ambasadzie kampjutary i sietkavaje abstalavańnie.