Anansavanaja sustreča vice-prezidenta ZŠA ź Zialenskim u kancy tydnia
Vice-prezident ZŠA Kamała Charys padčas zapłanavanaha na hetym tydni vizitu ŭ Jeŭropu dla ŭdziełu ŭ Miunchienskaj kanfierencyi pa biaśpiecy sustreniecca z prezidentam Ukrainy Uładzimiram Zialenskim. Taksama zapłanavanyja pieramovy z hienieralnym sakratarom NATO Jensam Stołtenbierham.
Nareshkumar Shaganti/Alamy
Pa słovach pradstaŭnika administracyi prezidenta ZŠA, jaje sustreča ź Zialenskim adbudziecca ŭ niadzielu, piša «RBK-Ukraina».
Akramia taho, Charys sustreniecca z kancleram Niamieččyny.
«U piatnicu vice-prezident Charys praviadzie sustreču z hienieralnym sakratarom NATO. Taksama zapłanavanyja sustrečy z kancleram Ołafam Šolcam i prezidentam Uładzimiram Zialenskim», — skazaŭ jon.
Sa słoŭ čynoŭnika, Charys vystupić na kanfierencyi z pramovaj, pryśviečanaj rasijskaj eskałacyi vakoł Ukrainy.
Čakajecca, što vice-prezident skarystajecca placoŭkaj, kab dakazać, što rasijskaje ŭvarvańnie va Ukrainu asłabić Rasiju, i raskaža ab nastupstvach kryzisu dla jeŭrapiejskaha i mižnarodnaha paradku.