Palitviaźnia Dźmitryja Abramuka, asudžanaha pa bresckaj «karahodnaj spravie», pieravodziać z «chimii» ŭ kałoniju
Pravaabaroncam «Viasny» paviedamili, što 17 lutaha nad palitźniavolenym Dźmitryjem Abramukom adbyŭsia sud pa ŭzmacnieńni pakarańnia za parušeńni režymu PUAT. Palitviaźniu zamianili try hady «chimii» na 1 hod i 1 miesiac kałonii.
Akramia hetaha, učora administracyja viciebskaha SIZA pakarała Abramuka 10 sutkami ŠIZA za admovu prybirańnia tualetaŭ.
U śniežni-studzieni Abramuk pa čatyroch rapartach ab parušeńniach užo byŭ źmieščany ŭ ŠIZA na 40 sutak. Paśla viartańnia na «chimiju» pry pachodzie ŭ kramu jon pakinuŭ PUAT, a praz try dni byŭ zatrymany i źmieščany ŭ viciebskaje SIZA-2.
Dźmitryj Abramuk — fihurant bresckaj «karahodnaj spravy». 15 sakavika minułaha hoda sud pakaraŭ jaho 2 hadami «chimii» pa art. 342 KK. Praź niekalki miesiacaŭ jaho asudzili da 2 hadoŭ «chimii» jašče i za abrazu Łukašenki. Ahulny termin źniavoleńnia, jaki jon raniej mieŭ — try hady «chimii».