U Kalinkavičach zatrymali Alaksandra Jelisiejeva
Ranicaj 19 lutaha da člena Abjadnanaj hramadzianskaj partyi Alaksandra Jelisiejeva dachaty pryjechaŭ kiraŭnik adździeła achovy pravaparadku i prafiłaktyki Kalinkavickaha RAUS Stanisłaŭ Rasoška.
Alaksandr Jelisiejeŭ
Jon skazaŭ, što suprać Alaksandra raspačali spravu ab administracyjnym pravaparušeńni i jamu teba prajechać u RAUS, piša «Paleskaja Viasna».
Pavodle jakoha artykuła zaviali spravu, Rasoška nie paviedamiŭ. Ale Jelisiejeŭ z RAUS tak i nie vyjšaŭ.
17 lutaha Jelisiejeŭ udzielničaŭ u «dyjałohavaj placoŭcy» ab refierendumie, jakaja pravodziłasia ŭ miascovym ahrarna-techničnym licei. Tam, akramia čynoŭnikaŭ, byli taksama staršynia Kalinkavickaha rajvykankama Siarhiej Hvozdź i deputat Pałaty pradstaŭnikoŭ ad Kalinkavickaj vybarčaj akruhi Jaŭhien Adamienka.