Katastrofa ŭ brazilskim Pietrapolisie: zahinuli 140 čałaviek, bolš za 200 źnikli bieź viestak
U brazilskim horadzie Pietrapolis, na jaki na hetym tydni abrynułasia mahutnaja pavodka, što vyklikała apoŭźni, źnikłymi bieź viestak usio jašče ličacca amal 200 čałaviek, i nadziej znajści ich žyvymi amal niama, piša Bi-bi-si.
Fota: Getty Images
Sotni ratavalnikaŭ raskopvajuć zavały ŭ Pietrapolisie (na partuhalskaj vymaŭlajecca «Pietrapuliš») uručnuju, bo ŭžyvać techniku zanadta niebiaśpiečna.
U subotu im daviałosia niekalki razoŭ spyniać pracu praź niaspynnuju zalevu i pahrozy novych apoŭźniaŭ.
Pavodle aficyjnych padlikaŭ, u Pietrapolisie zahinuli 146 čałaviek, u tym liku 27 dziaciej i padletkaŭ. 191 čałaviek ličycca źnikłymi bieź viestak.
Bolš za 900 čałaviek pazbavilisia prytułku i raźmieščanyja ŭ škołach i inšych časovych schoviščach.