«Hołas» choča pravieści pierapis biełarusaŭ, što źjechali
Pa roznych acenkach ź Biełarusi paśla vybaraŭ 2020 hoda źjechali ad niekalkich dziasiatkaŭ da niekalkich sotniaŭ tysiač čałaviek. Kab daviedacca dakładnuju kolkaść biełarusaŭ, jakija źjechali z krainy, płatforma «Hołas» abjaŭlaje hłabalny pierapis.
Pavieł Libier — stvaralnik «Hołasu». Fota Dev.by
Na dumku aŭtaraŭ płatformy, heta dazvolić nie tolki zrazumieć realnuju kolkaść biełarusaŭ, jakija źjechali ź Biełarusi za apošnija paŭtara hoda, ale taksama dapamoža palehčyć lehalizacyju biełarusaŭ u inšych krainach i stanuć asnovaj dla spravazdač ABSIE i inšych mižnarodnych instytutaŭ.
Kab pryniać udzieł u pierapisu, pierachodzicie ŭ @golosby_bot i adpraŭlajcie kamandu /diaspora