U paniadziełak ranicaj na MKAD utvaryŭsia vializny zator
Vialiki zator utvaryŭsia ranicaj u paniadziełak na paŭdniovym učastku MKAD. Jon raściahnuŭsia ad Miańkoŭskaha trakta ad Malinaŭki praktyčna da źjezdu na vulicu Babuškina, dadatkova stvaryŭšy pieraškody dla ruchu na raźviazkach ź dziaržynskaj trasaj R1 i słuckaj R23, piša Onliner.by.
Daŭžynia čarhi na prajezd pa ŭčastku składała kala 10 kiłamietraŭ. U vyniku avaryi akazalisia pierakrytyja niekalki pałos źniešniaha kalca.
Voś jak apisaŭ situacyju adzin z karystalnikaŭ: «Vonkavaje kalco MKAD staić ščylnaj ścianoj u čatyry šerahi. Avaryja kala 5-7 mašyn pierad pavarotam na Kaladzičy. Abjazdžajcie pa mahčymaści».
Mahčyma, što spaźnieńnie na pracu składzie prykładna hadzinu. Pa stanie na 9:00 zatory ŭ Minsku aceńvalisia ŭ 8 bałaŭ.