JEABR prahnazuje pavieličeńnie staŭki refinansavańnia ŭ Biełarusi
Analityki JEABR pradkazvajuć Biełarusi inflacyju vyšej za 10% u I kvartale 2022 hoda i nie vyklučajuć pavyšeńnia staŭki refinansavańnia, paviedamlaje afn.by.
«Analityki JEABR zachoŭvajuć prahnoz hadavy inflacyi kala 10% u I kvartale i dapuskajuć pavyšeńnie rehulataram raźlikovych vieličyń standartnaha ryzyki dla strymlivańnia rostu cen. Pry hetym nie vyklučajuć pavieličeńnia staŭki refinansavańnia da 10%», — havorycca ŭ štotydniovym ahladzie banka.
Zaraz staŭka refinansavańnia składaje 9,25%.
Staŭka refinansavańnia źjaŭlajecca bazavym instrumientam rehulavańnia ŭzroŭniu pracentnych stavak na hrašovym rynku. Jana, naprykład, słužyć asnovaj dla pracentnych stavak pa apieracyjach, što pradastaŭlajucca bankam. Staŭka refinansavańnia ŭstanaŭlivajecca Nacbankam.
Minimalnaja staŭka refinansavańnia za ŭsie časy niezaležnaści była 7,75 pracenta. Jana była ŭstanoŭlena 1 lipienia 2020 hoda. 14 krasavika 2021 hoda jana była pavyšana da 8,5 pracenta, a 21 lipienia 2021 hoda vyrasła da 9,25%.