Pasoł Ukrainy — biełarusam: Zachaplajusia vašaj mužnaściu
U subotu na aharodžy ŭkrainskaha pasolstva ŭ Minsku źjavilisia kvietki.
«Darahija siabry, chacieŭ by vykazać słovy padziaki za salidarnaść z narodam Ukrainy ŭ hety čas. I za kvietki, jakija vy prynosicie da Pasolstva. Ja pracavaŭ u Łondanie, Paryžy, Atavie, dzie takija akcyi jość zvyčajnaj spravaj.
Ale ja zachaplajusia vašaj mužnaściu rabić heta tut, u Minsku, dzie siońnia demanstracyja svajho niehatyŭnaha staŭleńnia da vajny, raźviazanaj Rasiejaj suprać ukrainskaha naroda, moža być niebiaśpiečnaj.
Dziakuj! Słava siabroŭstvu ŭkrainskaha i biełaruskaha narodaŭ!» — napisaŭ pasoł Ihar Kizim u fejsbuku pad fota kvietak la ŭkrainskaha pasolstva.
Raniej paviedamlałasia pra šmatlikija zatrymańni biełarusaŭ, jakija publična vykazvali asudžeńnie napadam Rasii na Ukrainu. Takija vypadki mieli miesca ŭ Maładziečnie, Breście, Minsku, inšych haradach.