Mitrapalit Pravasłaŭnaj carkvy Ukrainy Jepifanij paprasiŭ Kiryła zabrać cieły sałdataŭ
Pradstajaciel Pravasłaŭnaj Carkvy Ukrainy, mitrapalit Jepifanij źviarnuŭsia da patryjarcha Maskoŭskaha Kiryła z prośbaj zabrać u Rasiju cieły zabitych va Ukrainie sałdat RF.
«Na žal, z vašych papiarednich publičnych zajaŭ užo zrazumieła, što zachavańnie prychilnaści Pucina i kiraŭnictva RF dla vas našmat važniejšaje, čym kłopat pra ludziej va Ukrainie, častka ź jakich da vajny ličyła Vas svaim pastyram…
Ale ŭ mianie jašče zastajecca nadzieja, što choć by ŭ dačynieńni da svaich ułasnych suhramadzian, bolšaść ź jakich — pravasłaŭnyja chryścijanie, vaša pastva, u vas znojducca duchoŭnyja siły prajavić čałaviečnaść i kłopat», — cytuje Jepifanija «Ukrainskaja praŭda».
Jepifanij kaža, što havorka idzie pra bolš čym try tysiačy zabitych rasijskich vajskoŭcaŭ, cieły jakich znachodziacca va Ukrainie.