«Heta lehitymnaja zajaŭka»: staršynia Jeŭrarady zaklikaŭ apieratyŭna razhledzieć ustupleńnie Ukrainy ŭ ES
Kiraŭnik Jeŭrapiejskaj rady Šarl Mišel zajaviŭ, što zajaŭka Ukrainy na ŭstupleńnie — heta «lehitymnaja zajaŭka, my pavinny razhledzieć jaje surjozna ŭ hetyja ciažkija časy».
Šarl Mišel. Fota: Reuters
Adpaviednuju zajavu Mišel zrabiŭ 1 sakavika padčas pasiadžeńnia Jeŭraparłamienta.
Mišel paśla vystupu prezidenta Uładzimira Zialenskaha padkreśliŭ, što Ukraina čakaje rašeńniaŭ.
«Niekalki chvilin tamu prezident Zialenski adkryŭ serca i nahadaŭ ab zajaŭcy na aficyjnaje siabroŭstva ŭ ES. Ja dumaju, nam treba dziejničać… Heta ciažkaje rašeńnie, ale my pavinny… vypracavać rašeńnie, kab Rada mahła razhledzieć hetaje pytańnie», — zajaviŭ Mišel.