Žančynu zatrymali za vykazanyja dumki nakont vajny va Ukrainie, a asudzili za «raspaŭsiudžvańnie ekstremisckich materyjałaŭ»
Na vybarčym učastku ŭ vioscy Volna 27 lutaha zatrymali 51-hadovuju Aksanu Šaramieta. U toj dzień jana pryjšła prahałasavać, na ŭčastku pačali abmiarkoŭvać napad Rasii na Ukrainu, padčas čaho Aksana vykazałasia suprać.
Ilustracyjnaje fota
Za heta miascovyja žychary vyklikali na jaje milicyjantaŭ. Aksanu dastavili ŭ Baranavicki RAUS, adabrali telefon, a paśla prahladu sacyjalnych sietak skłali pratakoł pa art. 19.11 KaAP. Praz toje, što jana dahladaje maci, žančynu adpuścili dadomu i adznačyli, što vykličuć praz pozvu.
Ale ranicaj 2 sakavika žančynu z domu zabrali milicyjanty i advieźli ŭ sud Baranavickaha rajona. Na pytańnie pra toje, čamu joj nie dasłali pozvu, siłaviki adkazali, što «źmianilisia abstaviny». Jak potym stała viadoma, pozva pryjšła praź dzień, a sud pavinien byŭ adbycca tolki 9 sakavika.
U vyniku, sud pryznaŭ Aksanu vinavataj i aštrafavaŭ jaje na 320 rubloŭ (10 bazavych vieličyniaŭ).