Borys Džonsan raspracavaŭ płan z šaści punktaŭ pa supraćdziejańni rasijskamu ŭvarvańniu va Ukrainu
«Niedastatkova vykazać našu padtrymku mižnarodnamu paradku, zasnavanamu na praviłach, — my pavinny abaranić jaho ad pastajannych sprobaŭ pierapisać praviły z dapamohaj vajennaj siły», — zajaviŭ premjer-ministr Vialikabrytanii.
Foto: AP
Jaho płan, jaki vyklučaje vajennaje ŭmiašańnie Zachadu ŭ bajavyja dziejańni va Ukrainie, vyhladaje tak:
— farmiravańnie mižnarodnaj kaalicyi dla akazańnia humanitarnaj dapamohi Ukrainie;
— padtrymka samaabarony Ukrainy;
— uzmacnieńnie ekanamičnaha cisku na Rasiju;
— praduchileńnie «paŭzučaj narmalizacyi» rasiejskaj dziejnaści na Ukrainie;
— umacavańnie biaśpieki i ŭstojlivaści va ŭsim jeŭraatłantyčnym rehijonie;
— vykarystańnie dypłamatyčnych šlachoŭ da deeskałacyi pry poŭnym udziele Kijeva.
U najbližejšyja dni Džonsan maje namier abmierkavać svoj płan ź lidarami Kanady, Niderłandaŭ, Čechii, Vienhryi, Polščy i Słavakii.