Turecki mabilny apieratar Turkcell pačynaje ŭ Biełarusi novy dziesiacihadovy prajekt
Turecki mabilny apieratar Turkcell budzie realizoŭvać u Biełarusi inviestycyjny prajekt, raźličany na 10 hadoŭ. Adpaviedny ŭkaz padpisaŭ Alaksandr Łukašenka, paviedamlaje jaho pres-słužba.
Turecki telekamunikacyjny chołdynh budzie realizoŭvać u Biełarusi inviestycyjny prajekt pad nazvaj «Raźvićcio, madernizacyja i abstalavańnie sietki sotavaj ruchomaj elektrasuviazi, handlovaj sietki, jakija adnosiacca da ich abstalavańnia, infarmacyjnych sistem i prahramnaha zabieśpiačeńnia ZAT «Biełaruskaja telekamunikacyjnaja sietka». Prajekt raźličany na 2022—2032 hady.
Mabilny apieratar life:) (ZAT «BieST») uvachodzić u hrupu kampanij Turkcell. Tureckaja telekamunikacyjnaja kampanija nabyła 80% akcyj ZAT «Biełaruskaja sietka telekamunikacyj» za 600 młn dalaraŭ u 2008 hodzie.