ZŠA: Va Ukrainie zahinuli da šaści tysiač rasijskich vajskoŭcaŭ
Pavodle acenak amierykanskich aficyjnych asobaŭ, va Ukrainie mahčyma, zahinuli da 6 tysiač rasijan.
Ad 5000 da 6000 rasijskich vajskoŭcaŭ mahli być zabityja za pieršyja dva tydni vajny va Ukrainie, piša CBS News sa spasyłkaj na amierykanskaha čynoŭnika. Jon, adnak, padkreśliŭ, što hetuju ličbu ciažka acanić u režymie realnaha času, i jana moža być i bližejšaj da 3500.
Tym nie mienš, surazmoŭca acharaktaryzavaŭ hetuju ličbu jak «vielmi i vielmi značnyja straty», paraŭnoŭvajučy padlik sa stratami ŭ niekatorych bajach Druhoj suśvietnaj vajny. Čynoŭnik nie daŭ acenku kolkaści paranienych rasijan, ale ličba ŭ bolšaści vojnaŭ, jak praviła, prykładna ŭ try razy pieravyšaje kolkaść zabitych, što, pavodle acenak, moža składać ad 15 000 da 18 000 čałaviek.
Niahledziačy na acenačnyja straty, rasijskija vojski ŭsio jašče zdolnyja akružyć Kijeŭ na praciahu 1-2 tydniaŭ.