U polskim Karoščynie kiroŭcy 15 hadzin čakajuć ujezdu ŭ Biełaruś
Kala 15 hadzin čakajuć kiroŭcy hruzavikoŭ, kab vyjechać z Polščy ŭ Biełaruś praz pamiežny punkt u Karoščynie (viadzie na Bieraściejščynu). U čarzie stajać kala 450 aŭto. Pra heta paviedamiŭ pres-sakratar Pałaty padatkovaj administracyi ŭ Lublinie Michał Deruś.
Pamiežny pierachod u Karoščynie. Fota ilustratyŭnaje.
Za apošniuju 12-hadzinnuju źmienu palicejskija prapuścili 190 hruzavikoŭ. U palicejskim učastku ŭ Biała-Padlascy raskazali, što čarha z hruzavikoŭ, jakija čakajuć pierasiačeńnia miažy, była daŭžynioj kala 14 km.
Deruś paviedamiŭ, što na ŭjeździe ŭ Polšču było prapuščana 173 aŭtamabili, na biełaruskim baku ŭ čarzie stajać kala 150 mašyn, a čas čakańnia składaje kala 10 hadzin.
U suviazi ź mihracyjnym kryzisam punkt pierasiačeńnia miažy ŭ Kuźnicy byŭ začynieny 9 listapada minułaha hoda. Tamu kiroŭcy musiać kiravacca da hruzavych pamiežnych pierachodaŭ u Karoščynie ci Babroŭnikach.