Kolki kaštuje «pravilny» dabračynny abied u Baranavičach
U dva miljony rubloŭ abydziecca biaspłatny abied dla sta čałaviek, kali arhanizavać jaho zhodna patrabavańniaŭ sanstancyi.
U dva miljony rubloŭ abydziecca biaspłatny abied dla sta čałaviek, kali arhanizavać jaho zhodna patrabavańniaŭ sanstancyi.
Paśla taho, jak baranavicki pradprymalnik Mikałaj Čarnavus atrymaŭ papiaredžańnie ad miascovaha centra hihijeny i epidemijałohii pra niedapuščalnaść razdačy biaspłatnych abiedaŭ na terytoryi haradskoha rynku, jon abyšoŭ niekalki stałovak horadu. U stałoŭcy aŭtaahrehatnaha zavodu jamu paraili pakinuć zajavu na arendu pamiaškańnia i čakać jaje razhladu i adkazu. A ŭ stałoŭcy zavodu «Torhmaš» pradprymalnik daviedaŭsia, što abied na adnaho čałavieka abydziecca ŭ 20 tysiač rubloŭ.
U pradprymalnika ceny vyklikali žach. «Na hrošy, jakija ja zapłaciŭ by za adzin biaspłatny abied u stałovaj, dziesiać razoŭ možna nakarmić sto čałaviek!» – padličyŭ Mikałaj Čarnavus, jakomu biaspłatny abied, zładžany im na kirmašy, kaštavaŭ 200 tysiač rubloŭ.
Pradprymalnik razhladaje inšy varyjant akazańnia dabračynnaj dapamohi piensijanieram dy inšym małazabiaśpiečanym – razvoz biaspłatnych abiedaŭ na dom.