Palitźniavolenaja biełaruska Jana Pinčuk vyjšła zamuž
Pra heta advakat dziaŭčyny paviedamiła BBC. Ciapier 24-hadovaja hramadzianka Biełarusi Jana Pinčuk znachodzicca ŭ SIZA Sankt-Pieciarburha. 1 listapada 2021 hoda jaje zatrymali ŭ hetym horadzie na zapyt biełaruskich uładaŭ. Dziaŭčynu abvinavačvajuć u «raspalvańni varožaści da supracoŭnikaŭ milicyi» i «kiraŭnictvie ekstremisckim farmavańniem».
Jana Pinčuk.
Rehistracyja šlubu ŭ SIZA zaniała niekalki chvilin.
«Pakul supracoŭnik ZAHSa rychtavaŭ dakumienty, u nas byŭ čas parazmaŭlać, paśla čaho ŭ nas spytalisia, ci zhodnyja my stać mužam i žonkaj. Viadoma, u nas nie było nijakich sumnievaŭ. Janie pastavili piačatku ŭ pašpart. Moj pašpart byŭ na KPP, mnie piačatku pastavili paźniej. My abmianialisia piarścionkami, pacałavalisia, ja zabraŭ piarścionak Jany i mianie paviali», — raskazaŭ muž dziaŭčyny Mikita Safronaŭ.