Va Ukrainie zahinuŭ jašče adzin zamiežny žurnalist. A ź im razam — i ŭkrainskaja kaleha
Apieratar amierykanskaha telekanała Fox News Pjer Zakžeŭski byŭ zabity ŭ paniadziełak u Horancy na ŭskrainie Kijeva, dzie mašyna kamandy trapiła pad abstreł. Redakcyja paćvierdziła śmierć svajho supracoŭnika.
Hramadzianin Irłandyi Zakžeŭski mieŭ vialiki vopyt u aśviatleńni vajennych kanfliktaŭ.
Ukrainskija ŚMI paśla paviedamili, što razam z apierataram Pjeram Zakžeŭskim zahinuła i ŭkrainskaja žurnalistka Alaksandra Kuŭšynava.
Učora taksama paviedamlałasia pra ranieńnie inšaha supracoŭnika telekanała Fox News Biendžamina Choła. Jon atrymaŭ askołačny pierałom dźviuch nižnich kaniečnaściaŭ, jamu daviałosia amputavać častku nahi.
A ŭ niadzielu va Ukrainie zahinuŭ amierykanski dakumientalist Brent Reno.