Maładziečaniec nabyŭ aŭtamabil za 1000 suvienirnych dalaraŭ i atrymaŭ salidny štraf
Zdareńnie adbyłosia ŭ Maładziečnie ŭ paślanavahodni viečar, 1 studzienia, paviedamlaje «Minskaja praŭda».
25-hadovy chłopiec nabyŭ u niećviarozaha mužčyny aŭtamabil Opel Omega za 1 000 dalaraŭ ZŠA (tady heta było 2 548 rubloŭ).
Pakupnik i pradaviec damovilisia ab uhodzie, aformili ŭ strachavoha ahienta rachunak-daviedku, adnak chłopiec raźličyŭsia 10 suvienirnymi kupiurami. Pradaviec nie zaŭvažyŭ padmanu i addaŭ «hrošy» maci. Taja i pabačyła, što jany niesapraŭdnyja. Pradaviec źviarnuŭsia ŭ milicyju.
Była zaviedzienaja kryminalnaja sprava pa art. 209 č. 1 (machlarstva).
U vyniku sud Maładziečanskaha rajona prysudziŭ chłopcu štraf u 60 bazavych vieličyń (1920 rubloŭ).