Danija padtrymaje zabaronu ŭjezdu ŭ ES dla biełaruskaha i rasijskaha transpartu
Danija padtrymaje samyja strohija sankcyi ES suprać RF i Biełarusi, u tym liku zakryćcio marskich partoŭ dla ich sudoŭ i sušy — dla transpartu. Pra heta zajaviŭ u paniadziełak kiraŭnik MZS Karaleŭstva Jepie Kufud pa prybyćci na sustreču ministraŭ zamiežnych spraŭ Jeŭrasajuza.
«Ekanamičnyja sankcyi vielmi važnyja <…>. Chutkaść [pryniaćcia] i hłybinia sankcyj suprać rasijskaj ekanomiki biesprecedentnyja dla JeC. Z boku Danii my padtrymajem samyja strohija sankcyi, pa jakich budzie dasiahnutaje pahadnieńnie, uklučajučy, naprykład, dostup da marskich partoŭ, na sušy — dla rasijskaha i biełaruskaha transpartu, a taksama inšyja vidy mier, bo nam nieabchodna spynić hetuju ahresiju», — skazaŭ jon.
Ministr dadaŭ, što na sustrečy ŭ Brusieli budzie abmiarkoŭvacca dalejšaja padtrymka Ukrainy. Pavodle jaho słoŭ, budzie taksama razhledžanaje pytańnie ab tym, jak ES moža vykarystoŭvać svoj upłyŭ u śviecie, kab astatnija krainy «vybrali pravilny bok historyi», asudzili RF i padtrymali jaje izalacyju.