Z-za vajny va Ukrainie zahinuli 143 dziciaci
143 dziciaci zahinuli i 216 paranienyja za čas poŭnamaštabnych bajavych dziejańniaŭ na terytoryi Ukrainy, jakija viadzie Rasija, paviedamiŭ Ofis hienieralnaha prakurora.
27 sakavika rasijskimi vajskoŭcami byli abstralanyja vioski Iziumskaha rajona Charkaŭskaj vobłaści. U vyniku abstrełaŭ zahinuli troje dziaciej i adzin atrymaŭ ranieńni.
Praz abstreł akupantami Łuhanščyny dvoje dziaciej atrymali ranieńni.
Taksama 27 sakavika ŭ vyniku abstrełu pasiołka ŭ Fastaŭskim rajonie Kijeŭskaj vobłaści było paranienaje dzicia. A ŭ Chiersonskaj vobłaści ŭ špitali ad ranaŭ pamior 15-hadovy chłopiec, jakija atrymaŭ u vyniku artyleryjskaha abstrełu.
Bolš za ŭsio paciarpieła dziaciej u Kijeŭskaj vobłaści — 67, Charkaŭskaj — 49, Danieckaj — 53, Čarnihaŭskaj — 38, Mikałajeŭskaj — 30, Łuhanskaj — 27, Zaparožskaj — 21, Chiersonskaj — 24, u Kijevie — 16, Žytomirskaj vobłaści — 15 i Sumskaj — 14.