Bieraściejca abvinavacili ŭ dyskredytacyi Biełarusi z-za artykuła ŭ «Vikipiedyi»
Prakuratura Bresckaj vobłaści nakiravała ŭ sud kryminalnuju spravu pa abvinavačvańni 30-hadovaha žychara Bresta ŭ «ździajśnieńni dziejańniaŭ, jakija dyskredytujuć Respubliku Biełaruś».
Zhodna z materyjałami spravy, abvinavačany «z 29 śniežnia 2020 hoda pa 30 krasavika 2021 hoda pradstaviŭ hramadskaści zahadzia iłžyvyja źviestki ab dziejnaści pravaachoŭnych i dziaržaŭnych orhanaŭ Respubliki Biełaruś: raźmiaściŭ niedakładnuju infarmacyju na internet-sajtach zamiežnaj arhanizacyi «Vikimiedyja, Ink.» (ZŠA) i mižnarodnaj arhanizacyi «Mižnarodnaje tavarystva pravoŭ čałavieka» (Hiermanija)».
Akramia taho, abvinavačany nibyta «pieradaŭ zahadzia iłžyvyja źviestki ab datyčnaści orhanaŭ ułady da zabojstva ŭ kastryčniku 2004 hoda žurnalistki Vieraniki Čarkasavaj, a taksama da katavańniaŭ i zabojstvaŭ ludziej», paviedamlajuć pravaabaroncy.