Sankcyi: kitajski Huawei admoviŭsia pastaŭlać u Biełaruś abstalavańnie dla sotavaj suviazi
Pra jakuju techniku idzie havorka i jak heta adabjecca na jakaści suviazi?
Fota: AR
«Huawei admoviŭsia ad pastavak abstalavańnia ŭ Biełaruś, ale heta tyčycca tolki tych pryładaŭ, jakija źviazany z rabotaj sotavych apierataraŭ, bo heta ŭsio tavary dvajnoha pryznačeńnia — ty možaš absłuhoŭvać hramadzianskuju suviaź, a možaš vajennuju. Jany bajacca amierykanskich sankcyj», — tłumačyć krynica.
Na praktycy heta nie aznačaje, što pastavak nie budzie.
«Buduć kuplać beušnaje, buduć kuplać u Indyi, kuplać daražej, buduć pieraklejvać łejbu z Huawei na MTC — varyjantaŭ šmat.
Ale adnaznačnaje nastupstva — 5G u Biełarusi nie budzie. 5G patrebna, umoŭna, kab jeździli robaty, kab na vytvorčaści technika atrymlivała sihnały ŭ čatyry razy chutčej, kab, u svaju čarhu, pavialičvalisia abjomy i hetak dalej, i hetak dalej. Ale heta ž takaja śfiera, u jakoj u nas i tak niama pierśpiektyŭ — ni inviestycyj, ni raboty sučasnych kampanij», — reziumavaŭ abaznany surazmoŭca.
Pastaŭki pobytavaj i mabilnaj techniki pakul nie spynialisia.