ZŠA ŭviali sankcyi suprać Mišuścina, Miadźviedzieva, dačok Pucina, žonki i dački Łaŭrova. Ale heta nie ŭsio
Novymi sankcyjami buduć zabaronienyja lubyja inviestycyi ŭ rasijskuju ekanomiku. Taksama ŭviedzienyja piersanalnyja abmiežavańni suprać premjera Michaiła Mišuścina, Dźmitryja Miadźviedzieva, darosłych dačok Uładzimira Pucina, žonki i dački Siarhieja Łaŭrova. Pra heta žurnalistam skazaŭ vysokapastaŭleny amierykanski čynoŭnik, piša Reuters.
Siłuety sabora Vasilija Błažennaha i viežaŭ Kramla na zachadzie sonca. 12 žniŭnia 2021 hoda. Fota: Jaŭhien Navaženin / REUTERS
Bieły dom zajaviŭ, što ZŠA sumarna zabłakavali bolš za 2/3 rasijskaha bankaŭskaha siektara i što rasijskaja ekanomika ŭ vyniku zachodnich sankcyj pierastanie ŭvachodzić u dvaccatku najbujniejšych u śviecie.
ZŠA rezka ŭzmacniajuć «finansavy šok dla Rasii», adrazajučy najbujniejšyja banki hetaj krainy, skazaŭ amierykanski čynoŭnik. Rasijanie mohuć viarnucca da ŭzroŭniu žyćcia ŭ savieckim styli 1980-ch hadoŭ, padkreśliŭ jon.
ZŠA ŭpieršyniu ŭvodziać sankcyi suprać členaŭ siamji prezidenta Rasii Uładzimira Pucina. U sankcyjnyja śpisy ŭklučanyja jaho mierkavanyja dočki — Kaciaryna Cichanava i Maryja Varancova.