Zatrymali žančynu, jakaja napisała list-pratest suprać vajny ŭ Administracyju Łukašenki
Jak stała viadoma, 4 krasavika 2022-ha zatrymali Ludmiłu Ramanovič z Małaryty. Siońnia jaje źmiaścili ŭ brescki SIZA, pieradaje «Viasna».
Žančynie vystavili abvinavačvańni pa art. 368 Kryminalnaha kodeksu (Abraza prezidenta Biełarusi). Padstavaj dla hetaha staŭ list Ludmiły, nakiravany ŭ Śledčy kamitet.
U pačatku sakavika Ludmiła źviarnułasia ź listom-pratestam na sajt Administracyi Łukašenki. Žančyna vykazała pratest suprać udziełu Biełarusi ŭ vajnie suprać Ukrainy.
Ludmiła Ramanovič — viadomaja na Bieraściejščynie aktyvistka ŭkrainskich i biełaruskich hramadskich i kulturnych inicyjatyŭ. Mahčyma, paciarpieła jana ŭ tym liku i za heta.