Rudnik: Razmaŭlajcie tut pa‑biełarusku
Mahiloŭski abłvykankam voźmiecca za adradžeńnie biełaruskaj movy ŭ rehijonie. Tak rasparadziŭsia jaho kiraŭnik Piotr Rudnik.
Mahiloŭski abłvykankam voźmiecca za adradžeńnie biełaruskaj movy ŭ rehijonie. Tak rasparadziŭsia jaho kiraŭnik Piotr Rudnik.
Pavodle aficyjnaj infarmacyi stvorana śpiecyjalnaja kamisija, jakaja pavinna raspracavać prahramu paetapnaha viartańnia movy ŭ publičnaje žyćcio.
Va ŭpraŭleńni ideałahičnaj raboty abłvykankama pakul ustrymlivajucca paviedamlać kankretyku. Jaje kiraŭnik Valer Iljankoŭ pa‑rusku paviedamiŭ:
«Vy ž razumiejecie, što bieź Minska nam usio heta budzie ciažkavata zrabić. Usie hetyja mierapryjemstvie ŭ prapracoŭcy. Budziem raźmierana, nie śpiašajučysia ŭsio heta rabić. Budziem staracca na ŭzroŭni vobłaści svoj uniosak zrabić.
Da žalu, u nas balšynia našych haziet vychodziać na ruskaj movie. Voś z hetaha budziem pačynać.
U nas jość hazieta, naprykład u Asipovičach, dzie bolš za pałovu materyjałaŭ padajecca pa‑biełarusku. A ŭsie astatnija na całkam ruskuju movu pierajšli. Budziem pryvučać ludziej pisać pa‑biełarusku».
Paviedamleńni pra prahramu adradžeńnia movy źjaviłasia nieŭzabavie paśla vizitu Piatra Rudnika ŭ Maskvu.
Tam jon udzielničaŭ u Dniach Mahiloŭščyny. U svajoj pramovie z nahody adkryćcia Dzion jon zaprasiŭ žycharoŭ Maskvy na Mahiloŭščynu pa‑biełarusku: «Sardečna zaprašajem. I kali łaska».