Adnaho z zatrymanych prafsajuźnikaŭ vypuścili na volu
Pravaabaroncy paviedamlajuć, što adnaho ź lidaraŭ niezaležnych prafsajuzaŭ Biełarusi, Juryja Bielakova, učora vypuścili.
Juryj Bielakoŭ
Bielakova adpuścili ŭčora — zabrali pašpart, kampjutar, telefon. Bolš padrabiaznaściaŭ pakul niama.
Juryj Bielakoŭ, pradstaŭnik Niezaležnaha prafsajuza rabotnikaŭ radyjoelektronnaj pramysłovaści (REP), razam z 13 inšymi pradstaŭnikami niezaležnych prafsajuzaŭ byŭ zatrymany 19 krasavika. Doma ŭ zatrymanych prajšli pieratrusy.
U sieradu 20 krasavika stała viadoma, što prynamsi čaćviora lidaraŭ prafsajuznaha ruchu — Siarhiej Antusievič, Hienadź Fiadynič, Mikałaj Šarach i Alaksandr Jeŭdakimčyk — źmieščanyja ŭ SIZA KDB.