«Litoŭskaja čyhunka» płanuje zvolnić kala 2 tysiač rabotnikaŭ z-za sankcyj
«Litoŭskaja čyhunka», jakaja straciła sioleta miljony ton hruzaŭ z-za sankcyj Zachadu ŭ dačynieńni da Rasii i Biełarusi, abviaściła ab płanach skaracić kala 2000 rabotnikaŭ, piša Delfi.
Hrupa raźvitajecca prykładna z čverciu kiraŭnikoŭ roznaha ŭzroŭniu. Na vychadnuju dapamohu rabotnikam budzie vydzielena 6 młn jeŭra, paviedamiła kampanija.
Kala 1200 rabotnikaŭ, jakija buduć zvolnienyja, pracujuć u daččynaj hruzavy kampanii LTG Cargo, kala 500 — u infrastrukturnaj LTG Infra, kala 300 — u LTG.
U kampanijach hrupy ŭ cełym pracuje kala 9200 čałaviek.
LTG i Słužba zaniataści Litvy buduć akazvać dapamohu zvolnienym rabotnikam.
Z-za sankcyj Jeŭrapiejskaha Sajuza i ZŠA ŭ dačynieńni da «Biełaruśkalija» LTG straciła kala 11 młn ton hruzaŭ u hod i ŭ vyniku niedaatrymaje 61 młn jeŭra dachodu. Akramia taho, sankcyi ES u dačynieńni da ŭładalnika litoŭskaha zavoda uhnajeńniaŭ Lifosa pryviaduć da straty jašče 2,6 młn ton pieravozak uhnajeńniaŭ i 12,8 młn jeŭra dachodaŭ. Praz sankcyi ES u dačynieńni da rasijskaha vuhalu i admovy Polščy kuplać jaho LTG nie pieraviazie 2,5 młn ton vuhalu i stracić 12 młn jeŭra dachodaŭ. Zabarona Biełarusy na tranzit pa jaje terytoryi nafty i praduktaŭ jaje pierapracoŭki, uhnajeńniaŭ va Ukrainu pryviadzie da straty litoŭskimi čyhunkami 1,4 młn ton hetych hruzaŭ i 17 młn jeŭra.