U Mielitopali akupanty zachapili muziej, dzie zachoŭvałasia skifskaje zołata
Miesca, dzie znachodziłasia skifskaje zołata, relikvija IV stahodździa da našaj ery, rasijanam padkazali kałabaranty, paviedamlaje Zaparožskaja abłasnaja vajennaja administracyja. Da vajny relikvija zachoŭvałasia ŭ Mielitopalskim haradskim krajaznaŭčym muziei.
«Jany raspaŭsiudžvajuć chłuśniu, što nibyta ŭratavali skifskaje zołata ad byłych rabotnikaŭ ustanovy. Maŭlaŭ, tyja chacieli vyvieźci jaho za miežy krainy», — tłumačać u viedamstvie.
Raniej haradskaja administracyja i supracoŭniki muzieja kalekcyju skifskaha zołata schavali.
«U prarasijskich pablikach pakazali videa, jak pryznačany rasijanami dyrektaram Jaŭhien Harłačoŭ raskazvaje, što jahonyja adnadumcy vydatkavali šmat siłaŭ i enierhii, kab znajści skifskaje zołata, jakoje było schavanaje supracoŭnikami muzieja. Ale na samaj spravie miescaznachodžańnie kalekcyi vydali kałabaranty», — piša vydańnie Mielitopal.City.
Staražytnaje zołata vyjavili ŭ mielitopalskim kurhanie ŭ 1954 hodzie. Jaho chacieli vyvieźci ŭ leninhradski Ermitaž, ale ŭkrainskija archieołahi tady damahlisia taho, kab znachodka zastałasia va Ukrainie.