Alfa-bank papiaredziŭ klijentaŭ, što z 5 maja jahonyja karty nie buduć pracavać za miažoj
Adklučeńnie kartaŭ, pavodle pres-słužby Alfa-Banka, moža adbycca «z-za pazicyi amierykanskich bankaŭ». Takim eŭfiemizmam akreślivajucca nakładzienyja na bank sankcyi.
Ciapier karty Visa i Mastercard Alfa-Banka pierastanuć pracavać za miažoj: imi nielha budzie raspłačvacca ŭ kramach, a taksama zdymać najaŭnyja. Tamu bank prosić tych, chto znachodzicca ŭ inšaj krainie, pavialičyć limity na źniaćcie valuty ŭ InSync i źniać, pakul nie pozna, z kartki patrebnuju sumu.
U Biełarusi karystacca kartkami možna budzie amal jak raniej, ale taksama jość abmiežavańni, źviazanyja z vykarystańniem zamiežnych valut.
Tak, buduć niedastupnyja pieravody z karty na kartu ŭ zamiežnaj valucie: nielha budzie atrymać ci adpravić hrošy. Heta tyčycca jak pieravodaŭ na karty zamiežnych bankaŭ, tak i pieravodaŭ pa Biełarusi.
Nie atrymajecca źniać z karty Alfa-Banka zamiežnuju valutu ŭ bankamatach i kasach biełaruskich bankaŭ, a taksama apłacić u zamiežnaj valucie na terytoryi našaj krainy (naprykład, u Duty Free).