Minabarony abviaściła zbory terytaryjalnych vojskaŭ u dvuch rajonach krainy
Pavodle Minabarony, u ramkach pravierki orhanaŭ kiravańnia terytaryjalnaj abarony z 10 maja 2022 hoda vykanaŭčymi kamitetami Bresckaj i Hrodzienskaj abłaściej pravodzicca farmavańnie terytaryjalnych vojskaŭ Kobrynskaha i Lidskaha rajonaŭ adpaviedna.
Ilustracyjny zdymak. Fota: «Vajar»
Z zapasu na vajskovyja zbory płanujecca pryzvać kala 430 čałaviek. Paśla asabovy skład prystupić da vykanańnia zadač pa achovie i abaronie važnych abjektaŭ.
Kolki buduć doŭžycca zbory, nie paviedamlajecca.
Mierapryjemstva nakiravanaje «na pavyšeńnie zdolnaści miascovych orhanaŭ pa farmavańni terytaryjalnych vojskaŭ i hatoŭnaści orhanaŭ kiravańnia terytaryjalnaj abarony i voinskich čaściej terytaryjalnych vojskaŭ da vykanańnia zadač pa pryznačeńni», — havorycca ŭ pres-relizie Minabarony.