Vialikabrytanija ŭviała sankcyi suprać Aliny Kabajevaj i byłoj žonki Pucina Ludmiły Ačaretnaj
Vialikabrytanija pašyryła sankcyjny śpis suprać Rasii. Pad abmiežavańni patrapili blizkija prezidenta Uładzimira Pucina — jaho byłaja žonka Ludmiła Očaretnaja, a taksama staršynia rady dyrektaraŭ «Nacyjanalnaj miedyja hrupy», mierkavanaja kachanka i maci jaho dziaciej Alina Kabajeva.
Raniej The Wall Street Journal pisała, što ZŠA taksama padrychtavali pakiet sankcyj suprać Kabajevaj, ale nie ŭviali jaho, bo bajalisia, što Pucin «adreahuje ahresiŭna».
Pa źviestkach vydańnia, ułady ZŠA miarkujuć, što Kabajeva źjaŭlajecca maci «jak minimum traich dziaciej» Pucina, i što jana moža adyhryvać važnuju rolu «va ŭtojvańni asabistaha bahaćcia Pucina za miažoj».